2018 жылдың 14 қарашасы күнi сағат 11.00-де «Қазақ тiлi емлесiнiң негiзгi ережелерiнiң жобасын» түсiндiру, практикалық тұрғыда меңгерiлуiн нақтылай түсу мақсатында республика бойынша бiр мезетте Жалпыхалықтық диктант өткiзiлдi. Республикалық шараға Қорғалжын ауданындағы орта-арнаулы оқу орындарының педагогтары мен оқушылары, мемлекеттiк мекемелер, оның iшiнде Қорғалжын мемлекеттiк архивi белсене қатысты. Диктанттың тақырыбы — «Рухани жаңғыру» бағдарламасы. Қатысушылар 80-ге жуық сөзден құралған мәтiндi латынша жазды.